RIZIKI TOLEO LA 3/2020 'SALA YA BWANA - Bwana, utufundishe kuomba'

Katika toleo hili la RIZIKI tunaanza na mfululizo wa makala kuhusu Sala Kuu au Sala ya Bwana. Sala hii inatufundisha kuwa sifa zote, heshima na utukufu ni kwa Mungu wetu peke yake. Kazi yetu katika maisha ya hapa duniani na hata kifoni ni kumletea Mungu utukufu kwa kila tufanyalo. Sala hii ambayo unaweza kuiomba chini ya dakika moja inatuonyesha ukuu, urefu, upana na kina cha upendo wa Mungu kwetu kupitia Yesu Kristo. 

Ndani ya toleo hili pia utakutana na mfano hai. Unahusu wainjilisti wawili ambao licha ya mateso na vifungo walivyopata, bado waliomba na kumsifu Mungu, tena katika mazingira ambayo si wengi wangeweza kufanya jambo hilo. 

Zaidi ya hayo kuna makala nyingine nzuri za kukutia moyo na kukusogeza karibu na Mungu ambaye ni baba yetu. Utapata shuhuda za kutia moyo na kukuimarisha katika maombi yako. 

Soma Riziki Online HAPA